டிஜிட்டல் மார்க்கெட்டிங் கற்றுக்கொள்ளலாம்: இலவசப் பயிற்சி வகுப்புகள்

எழுத்தாளர்கள் மார்க்கெட்டர்களாகவும் இருக்கவேண்டிய சூழ்நிலை இது. நம்முடைய புத்தகங்களையும் ஓர் எழுத்தாளர் என்றமுறையில் நம்முடைய Personal Brandஐயும் மக்கள் முன்னிலையில் முன்னிறுத்துவது நம் வெற்றிக்கு உதவுகிறது.

மார்க்கெட்டிங் செய்ய ஆசைதான், ஆனால், அதற்கான நுட்பங்கள் தெரியாது என்று எண்ணும் எழுத்தாளர்கள் அதை இணையத்திலேயே பயிலலாம். எடுத்துக்காட்டாக, புகழ் பெற்ற Ahrefs நிறுவனம் வழங்கும் 17 இலவச டிஜிட்டல் மார்க்கெட்டிங் பயிற்சிகளை இங்கு காணலாம்.

இவை அனைத்தையும் ஒரே நேரத்தில் மொத்தமாகப் படிக்கவேண்டும் என்று அவசியம் இல்லை. கொஞ்சம் கொஞ்சமாக நேரம் உள்ளபோது படியுங்கள், வல்லுனர் ஆகுங்கள், வாழ்த்துகள்!

***

Keywords: Marketing, Marketer, Marketers, Book Marketing, Author Brand, Learn Marketing, Free Courses, Free Course, Free Training, Free Trainings, Digital Marketing, Online Marketing

தொழில்துறை சார்ந்த எழுத்தைக் கற்றுத்தரும் HBR கையேடு

பிஸினஸ் ரைட்டிங் எனப்படும் தொழில்துறை சார்ந்த எழுத்துக்கு எல்லா மொழிகளிலும் நல்ல வரவேற்பு உள்ளது. அந்தக் கலையைக் கற்றுத்தரும் கையேடு ஒன்றை வெளியிட்டுள்ளது புகழ் பெற்ற Harvard Business Review நிறுவனம். தொழில்துறை சார்ந்த எழுத்துகளைக் கற்றுக்கொள்ள விரும்பும் எழுத்தாளர்கள் இங்கு க்ளிக் செய்து “HBR Guide to Better Business Writing” என்ற அந்த நூலை வாங்கிப் படிக்கலாம், தொழில்துறை எழுத்துகளை விரும்பும் வாசகர்களை வலுவானமுறையில் சென்று சேரலாம்.

***

Keywords: Business Writing, Business Writers, Learning, Writing, Writer, Guide, Writing Guide, Writers’ Guide, Harvard Business Review, HBR, Writers Guide, ஹார்வர்ட்

நேரத்தைத் திருடலாம்

என்னுடைய Nonfiction பயிற்சி வகுப்பில் நேர மேலாண்மைக்கென்று ஒரு சிறு பாடத்தை ஒதுக்கியிருக்கிறேன். முழு நேரப் பணி, குடும்ப, சமூகக் கடமைகளுக்கு நடுவில் நூல் எழுத வருகிறவர்கள் எழுதுவதற்கான நேரத்தை எங்கிருந்து பெறலாம், அதை எப்படி நன்றாகப் பயன்படுத்திக்கொள்ளலாம் என்று விரிவாகப் பேசுவதற்குதான் அந்த நேரம்.

இந்தப் பாடத்தைக் கற்றுத்தந்தபிறகு, ‘உங்களுடைய இப்போதைய சூழலின் அடிப்படையில் ஓர் எழுத்துத் திட்டத்தை (Writing Plan/Schedule) உருவாக்குங்கள்’ என்று ஒரு சிறு பயிற்சி அளிப்பேன். அதன்பிறகு, ‘இந்தத் திட்டத்தை இன்னும் மேம்படுத்த இயலுமா, குறைந்தது 20% கூடுதல் நேரத்தை எங்கிருந்தாவது எடுக்க இயலுமா?’ என்று கேட்பேன்.

எடுத்துக்காட்டாக, மாதம் ஒரு திரைப்படத்தைக் குறைக்கலாம், கிரிக்கெட் போட்டிகளை, பிக் பாஸை முழுக்கப் பார்க்காமல் ஹைலைட்ஸ்மட்டும் பார்க்கலாம், நாள்தோறும் மூன்று சானல்களில் செய்திகளைப் பார்க்காமல் அதை இரண்டாகக் குறைக்கலாம், தொலைபேசியில் ஒருவரைப்பற்றி ஐந்து பேரிடம் வம்பு பேசுவதை மூன்றாகக் குறைக்கலாம்… இப்படி எங்கிருந்தாவது கொஞ்சங்கொஞ்சமாக எழுத்துக்குக் கூடுதல் நேரத்தைப் பிடுங்கச்சொல்லிக் கேட்பேன், அதன்மூலம் அவர்கள் தங்கள் நூலை ஓரிரு மாதங்கள் முன்பாகவே முடித்துவிடலாம் என்று ஆசை காட்டுவேன்.

அதே நேரம், மூன்று விஷயங்களிலிருந்துமட்டும் எழுத்துக்காக நேரத்தைப் பிடுங்கக்கூடாது, ஏனெனில் அவை Non negotiable, சமரசம் செய்துகொள்ளக்கூடாதவை என்றும் சொல்வேன்:

1. இரவுத் தூக்கம்

2. உடற்பயிற்சி

3. குடும்பத்தினருடன் செலவிடும் நேரம்

இப்படி உங்களுடைய Non Negotiable நேரங்கள், எதற்காகவும் நீங்கள் குறைத்துக்கொள்ள விரும்பாத விஷயங்கள் எவை?

***

என். சொக்கன் நடத்தும் Nonfiction பயிற்சி வகுப்பில் சேர்ந்து புனைவல்லாத நூல்களை எழுதக் கற்றுக்கொள்ளுங்கள். வகுப்பில் சேர, இங்கு க்ளிக் செய்யுங்கள்.

***

Keywords: Time Management, Time Management for Authors, Managing Time, Managing Your Time, Time Management for Writers, Finding Time to Write, Finding Time for Writing

உங்கள் கட்டுரைகளுக்குத் துணைத்தலைப்புகள் தேவையா?

கட்டுரைகள் சிலவற்றில் துணைத்தலைப்புகள் (Subheadings) இடம்பெறுவதைப் பார்க்கிறோம். புனைவல்லாத (Nonfiction) நூல்களின் அத்தியாயங்களுக்குள்ளும் இந்தத் துணைத்தலைப்புகள் இடம்பெறுகின்றன. இவை எதற்காக? இவற்றைக் கண்டிப்பாகச் சேர்க்கவேண்டுமா?

முதலில், துணைத்தலைப்புகள் என்பவை ஒரு கட்டுரையை அல்லது அத்தியாயத்தைச் சிறு பகுதிகளாகப் பிரிக்கின்றன. இதன்மூலம், ஒரு நீண்ட கட்டுரையையோ அத்தியாயத்தையோ படிக்கிறோம் என்ற உணர்வு இல்லாமல் வாசகர் எளிதில் ஒவ்வொரு துணைத்தலைப்பாகப் படித்துக்கொண்டு செல்லலாம்.

எழுதுபவருக்கும் இதில் நன்மை உண்டு. நீண்ட கட்டுரைகள், அத்தியாயங்களை எழுதும்போது சோர்வு இல்லாமல் எழுதுவதற்கு அவற்றைத் துணைத்தலைப்புகளாகத் திட்டமிடலாம், துணைத்தலைப்புகள் ஒவ்வொன்றையும் ஒரு சிறு கட்டுரையாகக் கருதிக்கொண்டு எழுத்தை முன்னெடுத்துச்செல்லலாம். அது அவர்களுக்குத் தனிப்பட்டமுறையில் ஊக்கத்தை அளிக்கும்.

அதே நேரம், துணைத்தலைப்புகள் பொருளுள்ளவகையில் அமையவேண்டும். எடுத்துக்காட்டாக, ஆளுமை ஒருவரைப்பற்றிய கட்டுரையில் பிறப்பு, வளர்ப்பு, கல்வி, முதல் வெற்றி போன்ற துணைத்தலைப்புகள் அமையலாம். அது அந்தக் கட்டுரையை இன்னும் தெளிவாக வழங்கி உதவும். அப்படியில்லாமல் ஒவ்வொரு பத்திக்கும் ஒரு துணைத்தலைப்பை வழங்கினால் அது தேவையற்ற ஒன்றாகத் துருத்திக்கொண்டு தெரியும். அதனால், சரியான சமநிலையைப் பின்பற்றவேண்டும்.

உங்கள் கட்டுரைகள், அத்தியாயங்களில் துணைத்தலைப்புகளைப் பயன்படுத்துகிறீர்களா? அதுபற்றிய உங்கள் கருத்துகளை, எடுத்துகாட்டுகளை, உத்திகளை Comments பகுதியில் பகிர்ந்துகொள்ளுங்கள்.

***

Keywords: Subtitles, Subheadings, Sub titles, Sub headings, Sub title, Sub heading, Subtitle, Subheading, Titles, Title, Nonfiction, Non Fiction, Non-fiction, Nonfiction, Articles, Article, Non Fiction Books, Non-fiction Books, Nonfiction Books, Non Fiction Book, Non-fiction Book, Nonfiction Book

மோசமான எழுத்தும் ஒரு பாடம்தான்!

நல்ல எழுத்து நம்மைச் சிறப்பாக எழுதவைக்கும். ‘அட, நாமும் இவரைப்போல் எழுதணும்’ என்ற ஊக்கத்தை உண்டாக்கும். அதில் என்னென்ன நல்ல அம்சங்கள் உள்ளன, அவற்றை நாம் எப்படிப் பயன்படுத்திக்கொள்வது என்றெல்லாம் சிந்திக்கச்செய்து நம் எழுத்தை மேம்படுத்தும்.

ஒருவிதத்தில், கெட்ட எழுத்துகளும் நமக்குப் பாடம் கற்றுத்தருகின்றன. எப்படி எழுதவேண்டும் என்பதைப்போல், எப்படி எழுதக்கூடாது என்பதும் முக்கியமான பாடம்தான்.

அதனால், மோசமாக எழுதப்பட்ட ஒரு கதை அல்லது கட்டுரையைப் படிக்கும்போது முகம் சுளிக்காமல், அதில் என்ன மோசமாக உள்ளது, அது ஏன் நமக்குப் பிடிக்கவில்லை என்று சிந்திக்கலாம். அதன்மூலம், வருங்காலத்தில் நாம் எழுதும் கட்டுரைகளில் அந்தப் பிழைகள் வராமல் பார்த்துக்கொள்ளலாம்.

ஆனால் அதற்காக, எல்லாருடைய படைப்புகளிலும் குறை கண்டுபிடிப்பதை நோக்கமாகக் கொள்ளக்கூடாது. அது நமக்கு ஓர் எதிர்மறை மனநிலையை உண்டாக்கிவிடும். நல்லதைப் பாராட்டவேண்டும், அதிலிருந்து கற்றுக்கொள்ளவேண்டும், மோசமானதை (மனத்துக்குள்ளாவது) விமர்சிக்கவேண்டும், அந்தப் பிழையை நாம் செய்யாமல் பார்த்துக்கொள்ளவேண்டும், இந்த எளிய வழிமுறை நம் எழுத்தை இன்னும் நன்றாக ஆக்கும்.

சொல்லப்போனால், வாழ்க்கை மேம்பாட்டுக்கும் இதுதான் வழி!

***

Keywords: Learning, Learning from errors, Learning from mistakes, Learn from errors, Learn from mistakes, Criticism, Praise, Appreciation, Kudos, Accolades, Analysis, Learning

உங்களுடைய நூலுக்காகத் திரட்டிய ஆராய்ச்சித் தகவல்களை எத்தனை நாள் பத்திரமாக வைத்திருக்கவேண்டும்?

ஒவ்வொரு புத்தகத்துக்காகவும் நீங்கள் மிகுந்த ஆராய்ச்சியில் ஈடுபடுகிறீர்கள், ஏராளமான தகவல்களைத் திரட்டுகிறீர்கள், அவை பல பக்கங்களுக்கு, பல கோப்புகளுக்கு நீளலாம். நீங்கள் அந்தப் புத்தகத்தை எழுதும்போது அவை மிகவும் உதவியாக இருக்கும்.

ஆனால், புத்தகத்தை எழுதி வெளியிட்டபின் அந்தத் தகவல்களை என்ன செய்வது? தூக்கி எறிந்துவிடலாமா?

‘ம்ஹூம், வேண்டாம். அந்தக் குறிப்புகளை எப்போதும் உங்களுடன் வைத்திருங்கள்’ என்கிறார் பல புகழ் பெற்ற நூல்களின் ஆசிரியரான மாக்ஸ் குந்தர். இதற்கு அவர் சொல்லும் காரணங்கள்:

  1. அந்தப் புத்தகத்தைப்பற்றிப் பின்னர் யாராவது ஏதாவது கேள்வி கேட்டால், அல்லது, உங்கள்மீது சினம் கொண்டு நீதிமன்றத்தில் வழக்கு தொடுத்தால், சான்றுகளை எடுத்துக் காண்பிக்க உதவியாக இருக்கும்.
  2. உங்கள் புத்தகத்தைப்பற்றி மேலும் தெரிந்துகொள்ள விரும்பும் வாசகர்களுக்குப் பதில் அளிக்க உதவியாக இருக்கும்.
  3. அந்தப் புத்தகத்தைப் பின்னாட்களில் நீங்களே மேம்படுத்தி எழுத, அல்லது அது சார்ந்த இன்னொரு நூலை (வேறொரு கோணத்தில்) எழுத இந்தக் குறிப்புகள் மிகவும் உதவும்.
  4. நீங்கள் இந்தத் தலைப்பில் ஒரு நூல் எழுதியிருப்பதால், பத்திரிகைகள் அதுசார்ந்த சிறு தலைப்புகளில் உங்களிடம் கட்டுரை கேட்கலாம், அப்போது நீங்கள் இந்தக் குறிப்புகளை எடுத்துப் பயன்படுத்திக்கொள்ளலாம்.

அதனால், உங்கள் நூலுக்கான குறிப்புகளை எப்போதும் சேமித்துவையுங்கள். இன்றைய டிஜிட்டல் யுகத்தில் இது மேலும் எளிதாகிவிட்டது. உங்களுடைய கோப்புகள் இடத்தை அடைக்குமோ என்று கவலைப்படாமல் கூகுள் டிரைவ் அல்லது டிராப்பாக்ஸில் ஏற்றிப் பத்திரமாக வைத்துவிடலாம்.

தொடர்புடைய இணைப்புகள்:

  • இந்தக் குறிப்பு Nonfiction புத்தகங்கள் எழுதுவது எப்படி என்பதுபற்றி மாக்ஸ் குந்தர் எழுதிய “Writing and Selling a Nonfiction Book” என்ற புத்தகத்தில் இடம்பெற்றுள்ளது. அந்தப் புத்தகம் இப்போது அச்சில் இல்லை.
  • மாக்ஸ் குந்தர் எழுதிய மற்ற நூல்களை இங்கு காணலாம்
  • Nonfiction எழுதுவதுபற்றிய ஒரு பயிற்சி வகுப்பில் கலந்துகொள்ள, இங்கு க்ளிக் செய்யுங்கள்

***

Keywords: Nonfiction, Fiction, Nonfiction Books, Nonfiction Book, Fiction Books, Fiction Book, Research, Book Research, Researching, Data, Notes, Note, Note Taking, Files, Storage, Books, Max Gunther

இணையத்தில் தொடர் எழுத ஏழு நல்ல வழிகள்

தொடர்கதைகள், நாவல்களுக்கு இடையிலான வேறுபாட்டைப்பற்றிச் சமீபத்தில் பேசினோம். (அந்தக் கட்டுரையைப் படிக்க, இங்கு க்ளிக் செய்யுங்கள்). இப்போது, எழுத்தாளராகிய நீங்கள் இணையத்தில் தொடர்களை எழுதுவதற்கு என்னென்ன வாய்ப்புகள் உள்ளன என்று பார்ப்போம்.

இணையம் என்பது ஒரு பெரிய கடலைப்போன்றது. அங்கு தொடர்களை எழுதுவதற்கும் பல வழிகள் இருக்கின்றன. எனினும், அவற்றில் முக்கியமான, எல்லாரும் பயன்படுத்தக்கூடிய ஏழு வழிகளை இங்கு தொகுத்து அளிக்கிறோம்.

1

உங்கள் வலைப்பதிவு (blog) அல்லது சொந்த வலைத்தளத்தில் தொடர் எழுதலாம். ஒவ்வோர் அத்தியாயத்தையும் தனித்தனியாக நாள்தோறும் அல்லது வாரந்தோறும் வெளியிடலாம், வாசகர்கள் முந்தைய அத்தியாயங்களை எளிதில் படிப்பதற்கு வழி அமைத்துத் தரலாம். இதில் இன்னொரு வசதி, வாசகர்கள் கமெண்ட் (கருத்து) அளிக்கவும் வழி உண்டு.

2

உங்கள் ஃபேஸ்புக் பக்கத்தில் தொடர் எழுதலாம். இங்கும் கமெண்ட்ஸ் வசதி உண்டு. ஆனால், முந்தைய அத்தியாயங்களுக்கு இணைப்பு தருவது சற்றுச் சிரமம். அதற்கு நீங்கள் ஹேஷ்டேக் எனப்படும் முறையைப் பயன்படுத்தலாம். எடுத்துக்காட்டாக, உங்கள் தொடரின் பெயர் “அன்பே வா” என்று இருந்தால், #AnbeVaa #AnbeVaaSerial #அன்பேவா #அன்பேவாதொடர் என்பதுபோன்ற ஹேஷ்டேக்ஸை உங்கள் அத்தியாயங்களின் கீழ்ப்பகுதியில் அளிக்கலாம். வாசகர்கள் அதைக் க்ளிக் செய்து மற்ற அத்தியாயங்களைப் படிப்பார்கள்.

3

மின்னஞ்சலில் தொடர் எழுதலாம். இது உங்கள் வாசகர்களை நேரடியாகச் சென்று சேரும். ஆனால், இதற்குக் கொஞ்சம் கூடுதல் உழைப்பு தேவை. அதாவது, வாசகர்களுடைய மின்னஞ்சல் முகவரிகளைத் திரட்டுவது, வாசகர்கள் தாங்களே பதிவு செய்ய வழி உண்டாக்கித் தருவது, அவர்களுக்கு மின்னஞ்சல்கள் சரியாகச் சென்றுசேர்வதை உறுதிசெய்வது போன்றவை. இதற்கான வழிகளை (எடுத்துக்காட்டு: மின்னஞ்சல் குழுக்கள், Newsletters எனப்படும் மின்னஞ்சல் கடிதங்கள்) இணையத்தில் தேடிக் கற்றுக்கொள்ளுங்கள், ஒருமுறை கற்றுக்கொண்டால் பலமுறை பலன் உண்டு.

4

மின்னஞ்சலுக்குப் பதில் வாட்ஸாப், டெலக்ராம் போன்றவற்றையும் நீங்கள் தொடர் எழுதப் பயன்படுத்தலாம். அதாவது, உங்கள் தொடருக்கென்று தனிக் குழு தொடங்கலாம், அல்லது, Broadcast எனப்படும் பரப்பல் தொழில்நுட்பத்தைப் பயன்படுத்தலாம். இங்கும் உங்களுக்கு உடனுக்குடன் கருத்துகள் கிடைத்துவிடும், கதையைக் கொஞ்சம் கொஞ்சமாக மெருகேற்றிச் சிறப்பாக்கலாம்.

5

இணையத்தில் Story Forums எனப்படும் கதை மன்றங்கள் பலவும் உள்ளன. இவற்றில் உங்கள் கதையை ஒவ்வோர் அத்தியாயமாக வெளியிடலாம். இந்த மன்றங்களுக்கு ஏற்கெனவே பல்லாயிரம் வாசகர்கள் இருப்பார்கள் என்பதால், உங்கள் தொடர் எளிதில் அவர்களுக்குச் சென்று சேரும். இந்த மன்றங்கள் கருத்து தெரிவித்தல், பிறரிடம் பகிர்ந்துகொள்ளுதல் போன்றவற்றுக்கும் வசதி உண்டாக்கித் தருவார்கள் என்பதால், நீங்கள் தொழில்நுட்பத்தைப்பற்றிக் கவலைப்படாமல் எழுத்தில் கவனம் செலுத்தலாம்.

6

உங்கள் தொடர் எழுத்து வடிவத்தில்தான் வெளியாகவேண்டும் என்று எந்தக் கட்டாயமும் இல்லை. இணையத்தின் தொழில்நுட்ப வசதியைப் பயன்படுத்திக்கொண்டு வீடியோ, ஆடியோ (ஒலிப் பதிவு) போன்ற வழிகளிலும் உங்கள் தொடரை வெளியிடலாம். இதற்குக் கொஞ்சம் கூடுதல் உழைப்பு (எடுத்துக்காட்டாக, தொடர் அத்தியாயங்களைப் படித்து ஒலிப் பதிவு செய்தல், வீடியோ உருவாக்குதல் போன்றவை) தேவைப்படும். ஆனால், எழுத்து வடிவத் தொடர்களை நெருங்காத பல புதிய வாசகர்கள் உங்களுக்குக் கிடைப்பார்கள்.

இந்த வடிவத்தில் மக்கள் கதைகளைப் படிப்பார்களா என்று ஐயமாக உள்ளதா? இங்கு க்ளிக் செய்து Audible இணையத் தளத்தில் உள்ள கதைகளின் பட்டியலைப் பாருங்கள், நம்பிக்கை வந்துவிடும். ஒலிப் புத்தகங்கள் வெற்றியடையும்போது ஒலித் தொடர்களுக்கும் நல்ல வரவேற்பு இருக்கும்.

7

ஒவ்வோர் அத்தியாயத்தையும் ஒரு குறிப்பிட்ட நேரத்தில் Facebook Live போன்ற ஒரு தொழில்நுட்பத்தைப் பயன்படுத்தி நேரடியாக ஒளிபரப்பலாம். அதை உங்களுடைய சமூக வலைப்பக்கங்களில் அறிவித்து மக்களுடைய ஆதரவைத் திரட்டலாம். இந்த முறையின் மிகப் பெரிய நன்மை, உங்கள் தொடருக்கான கருத்துகள் உடனுக்குடன் கிடைக்கும்.

இதுபோல் உங்கள் மனத்தில் உள்ள தொடர் யோசனைகளை Comments பகுதியில் எழுதுங்கள். அவை எல்லா எழுத்தாளர்களுக்கும் பயன்படும். சேர்ந்து கற்றுக்கொள்வோம், உங்கள் தொடருக்கு வாழ்த்துகள்.

***

Keywords: Novels, Novel, Serials, Serial, Series, Story Series, Cliffhanger, Facebook, YouTube, Podcasts, Video Serials, Audio Serials, Audio Episodes, Video Episodes, Podcast, Audio Episode, Video Episode, Video Serial, Audio Serial, Facebook, Facebook Live, Email Groups, WhatsApp Groups, Telegram Groups, Forums, Chapters, Chapter, Episodes, Episode

நாவலுக்கும் தொடர்கதைக்கும் என்ன வேறுபாடு?

எழுத்தாளர்கள் எழுதும் பெரிய கதைகளை நூலாக வெளியிடும்போது “நாவல்” அல்லது “புதினம்” என்று அழைக்கிறோம். அந்தக் கதைகளில் சில, பத்திரிகைகளில் தொடர்களாகவும் வெளிவருகின்றன. அப்போது அவற்றைத் “தொடர்கதை” என்று அழைக்கிறோம். இந்த இரண்டும் ஒன்றுதானா?

தொடர் என்பது பத்திரிகைகளின் வசதிக்காக அமைந்த ஒன்று. அதாவது, ஒரே கதையை மொத்தமாகத் தந்து சலிப்பை உண்டாக்குவதைவிட, அதை வாரம் கொஞ்சமாகப் பிரித்துத் தருவார்கள், அத்துடன், ஆர்வத்தைத் தூண்டி வாசகரைத் திரும்பத் திரும்பத் தங்கள் பத்திரிகையை வாங்க வைப்பார்கள்.

இவ்வகைத் தொடர்கள் கதைகளுக்குதான் என்று இல்லை, தொடர் கட்டுரைகள் உண்டு, தொடர் கவிதைகள் உண்டு, இன்னும் பலவகைத் தொடர்கள் இருக்கின்றன.

ஆக, ஒரு நாவல் தொடராக எழுதப்படுகிறது, இன்னொரு நாவல் மொத்தமாக ஒரே நேரத்தில் எழுதப்படுகிறது என்கிற காரணத்தால் அவை இரண்டும் வெவ்வேறாகிவிடாது. அவற்றுக்கான அடிப்படை எழுத்து உத்திகள் ஒன்றுதான்.

எனினும், தொடராக வெளியாகும் நாவல்களுக்குச் சில கூடுதல் அம்சங்கள் உண்டு. எடுத்துக்காட்டாக, தொடர்கதைகளின் ஒவ்வோர் அத்தியாயத்தின் நிறைவிலும் வாசகரைத் தக்கவைத்துக்கொள்வதற்காக ஓர் அதிர்ச்சியான, வியப்பான, எதிர்பாராத ஒரு விஷயத்தை வைப்பது வழக்கம். ஆங்கிலத்தில் இதை Cliffhanger என்பார்கள். இது நாவல்களுக்குப் பெரும்பாலும் தேவைப்படாது, இருந்தாலும் பிழை இல்லை.

அதேபோல், தொடர்கதைகளில் ஒவ்வோர் அத்தியாயமும் கிட்டத்தட்ட ஒரே அளவில் இருக்கவேண்டும். நாவல்களில் அவை எப்படி வேண்டுமானாலும் அமையலாம்.

நீங்கள் ஒரு நாவல் எழுதினாலும் சரி, தொடர்கதை எழுதினாலும் சரி, அதற்கான ஆராய்ச்சி, தயாராதல் என அனைத்தும் கிட்டத்தட்ட ஒரேமாதிரிதான் அமையும். தொடராக எழுதும்போது அந்தப் பத்திரிகையின் தேவைகளை அறிந்து அதற்கேற்பச் சில கூடுதல் விஷயங்களைச் செய்வீர்கள், அவ்வளவுதான். பின்னர் அதைத் தொகுத்து நாவலாக வெளியிடும்போது, தேவைப்பட்டால் அந்த சில அம்சங்களை நீக்கிவிட்டுக்கூட வெளியிடலாம், அப்படியே வெளியிட்டாலும் பிரச்சனை இருக்காது.

உங்களுக்குப் பிடித்த நாவல்கள், தொடர்கதைகளைப்பற்றி Comments பகுதியில் சொல்லுங்கள்!

***

Keywords: Novels, Novel, Serials, Serial, Series, Story Series, Cliffhanger, Chapters, Chapter, Episodes, Episode

வாசகர் பார்வையிலிருந்து எழுதுங்கள்: சொல்கிறார் வாரன் பஃபெட்

உலகின் மிகச் சிறந்த முதலீட்டாளர்களில் ஒருவர், நிதி, தொழில் சார்ந்த சிந்தனையாளர் வாரன் பஃபெட். அவரைப் பார்த்து முதலீட்டுத் துறைக்குள் வந்தவர்கள், வந்துகொண்டிருப்பவர்கள் ஏராளம்.

அது சரி, ‘எழுதுவோம்’ தளத்தில் அவர் ஏன் வருகிறார் என்று கேட்கிறீர்களா? காரணம் இருக்கிறது.

கடந்த பல ஆண்டுகளாகத் தன்னுடைய பங்குதாரர்களுக்குச் சிறப்பான கடிதங்களை எழுதிவருகிறார் வாரன் பஃபெட். அவற்றை எல்லாவிதமான மக்களும் படித்துப் பயன் பெறுகிறார்கள். அப்படியானால், எழுத்தாளர்களாகிய நாமும் அவரிடம் கற்றுக்கொள்ள ஓரிரு விஷயங்கள் இருக்குமில்லையா?

‘நான் எழுதும்போது வாசகருடைய பார்வையில் என்னை வைத்துக்கொள்வேன்’ என்கிறார் வாரன் பஃபெட். அதாவது, அவர் வாசகராக இருந்தால் அந்தக் கடிதத்தில் அல்லது கட்டுரையில் என்னவெல்லாம் எதிர்பார்ப்பார் என்பதை முதலில் சிந்திக்கிறார், பிறகு, அவை அனைத்தையும் அழகாகத் தொகுத்து எழுதிவிடுகிறார், மக்களும் அதைக் கொண்டாடிப் படிக்கிறார்கள்.

எளிய வழிமுறைதான், ஆனால், பின்பற்றக் கடினமானது, பின்பற்றினால் மிகப் பெரிய வெற்றியைத் தரக்கூடியது: வாசகருடைய பார்வையில் இருந்து எழுதுதல், வாசகரைப் புரிந்துகொள்ளுதல், அவர் எதிர்பார்க்கிறவற்றை நம் படைப்பில் வழங்குதல். இவை அனைத்தையும் வாரன் பஃபெட்டிடம் கற்றுக்கொள்வோம்.

வாரன் பஃபெட் எழுதிய புகழ் பெற்ற பங்குதாரர் கடிதங்களின் தொகுப்பு நூலைப் படிக்க, இங்கு க்ளிக் செய்யுங்கள்

***

Keywords: Warren Buffett, Berkshire Hathaway, Investor, Writer, Writers, Authors, Author, Writing, Investment, Advice, Reader, Reader Perspective

உங்கள் புத்தகங்களுக்குச் சிறந்த அட்டைப்படங்களை உருவாக்க உதவும் புதிய தளம் Coverjig

உங்களுடைய புத்தகங்களை வாசகர்களிடம் கொண்டுசேர்க்கின்ற முதல் கருவிகளில் ஒன்று, நல்ல அட்டைப்படம். அதைமட்டும் வைத்து யாரும் வாங்குவதில்லை என்றாலும், பல நூல்களில் எதைத் தேர்ந்தெடுக்கலாம் என்று வாசகர்கள் தீர்மானிக்க அதுவும் உதவுகிறது.

நல்ல அட்டைப்படத்தை வடிவமைப்பதற்கு நீங்கள் ஒரு வடிவமைப்பாளருடன் (Designer) பணியாற்றவேண்டியிருக்கும். அல்லது, இதற்கென்று உள்ள இணைய மென்பொருள்களைப் பயன்படுத்தி எளிதில் அட்டைப்படம் வடிவமைக்கலாம்.

அவ்வகையில் இணையத்தில் அறிமுகமாகியுள்ள புதிய தளம், Coverjig. யார் வேண்டுமானாலும் சில க்ளிக்குகளில் உங்கள் புத்தகத்துக்கான அழகான அட்டையை இங்கு வடிவமைத்துவிடலாம். இது உண்மையில் வணிகத் தளம்தான் என்றாலும், இப்போதைக்குத் தங்கள் சேவையை இலவசமாக வழங்குகிறார்கள், பயன்படுத்திப் பாருங்கள்.

ஆனால் ஒன்று, மற்ற பல தளங்களைப்போல் இந்தத் தளம் ஆங்கிலத்தில்தான் வேலை செய்கிறது. தமிழில் அட்டை வடிவமைத்தாலும் பின்னர் Export செய்யும்போது அது வெறும் பெட்டியாகதான் வருகிறது. இந்தப் பிழையை Coverjig குழுவினருக்குச் சொல்லுங்கள், அவர்களுடைய மென்பொருளில் தமிழுக்கும் ஆதரவு வேண்டும் என்று கேளுங்கள். அதற்கு நீங்கள் இங்கு க்ளிக் செய்யவேண்டும்.

Coverjig இணையத் தளத்தைப் பயன்படுத்தி இலவசமாகவும் எளிதாகவும் அட்டை வடிவமைக்க, இங்கு க்ளிக் செய்யுங்கள்.

உங்கள் நூல்களின் வடிவமைப்புப் பணிகளுக்கு உதவக்கூடிய இன்னொரு தளத்தைப்பற்றி இங்கு எழுதியுள்ளோம்: உங்கள் நூல்கள், இணையத் தளத்தை அழகுபடுத்த உதவும் Creative Fabrica இணையத் தளம்

***

Keywords: Book Wrapper, Book Cover, Wrappers, Wrapper, Wrapper Design, Cover Design, Designer, Coverjig