டிஜிட்டல் மார்க்கெட்டிங் கற்றுக்கொள்ளலாம்: இலவசப் பயிற்சி வகுப்புகள்

எழுத்தாளர்கள் மார்க்கெட்டர்களாகவும் இருக்கவேண்டிய சூழ்நிலை இது. நம்முடைய புத்தகங்களையும் ஓர் எழுத்தாளர் என்றமுறையில் நம்முடைய Personal Brandஐயும் மக்கள் முன்னிலையில் முன்னிறுத்துவது நம் வெற்றிக்கு உதவுகிறது.

மார்க்கெட்டிங் செய்ய ஆசைதான், ஆனால், அதற்கான நுட்பங்கள் தெரியாது என்று எண்ணும் எழுத்தாளர்கள் அதை இணையத்திலேயே பயிலலாம். எடுத்துக்காட்டாக, புகழ் பெற்ற Ahrefs நிறுவனம் வழங்கும் 17 இலவச டிஜிட்டல் மார்க்கெட்டிங் பயிற்சிகளை இங்கு காணலாம்.

இவை அனைத்தையும் ஒரே நேரத்தில் மொத்தமாகப் படிக்கவேண்டும் என்று அவசியம் இல்லை. கொஞ்சம் கொஞ்சமாக நேரம் உள்ளபோது படியுங்கள், வல்லுனர் ஆகுங்கள், வாழ்த்துகள்!

***

Keywords: Marketing, Marketer, Marketers, Book Marketing, Author Brand, Learn Marketing, Free Courses, Free Course, Free Training, Free Trainings, Digital Marketing, Online Marketing

அன்போடு எழுதுங்கள்

நேற்று, மைக்கேல் போர்ட் என்ற புகழ் பெற்ற எழுத்தாளர், பேச்சாளருடைய ஓர் உரையைக் கேட்டுக்கொண்டிருந்தேன், ‘உங்கள் வாடிக்கையாளர்களுக்கு மின்னஞ்சல் எழுதும்போது ஒரு கும்பலிடம் பேசுவதுபோல் எழுதாதீர்கள், ஒவ்வொருவரிடமும் தனித்தனியாகப் பேசுவதுபோல் எழுதுங்கள்’ என்கிறார்.

எடுத்துக்காட்டாக, ‘நீங்கள் அனைவரும் எதிர்பார்த்த மிதிவண்டி வெளியாகிவிட்டது’ என்று எழுதக்கூடாதாம். அதில் ‘அனைவரும்’ என்ற சொல்லை நீக்கிவிட்டால் வாடிக்கையாளருடன் நேரடியாகப் பேசும் உணர்வு வந்துவிடும், சொற்பொழிவாக இல்லாமல் நேரடி உரையாடலாக இருக்கும், அதில் நெருக்கம் இருக்கும்.

இன்று, காந்தியத் தொண்டர் T. D. திருமலையைப்பற்றிப் புது தில்லி தேசிய காந்தி அருங்காட்சியக இயக்குநர் அ. அண்ணாமலை எழுதிய ‘திருமலை எனும் ஆளுமையின் நூற்றாண்டு’ என்ற கட்டுரையைப் படித்தேன். நேற்றைய வணிக உரைக்கும் இந்த வரலாற்றுக் கட்டுரைக்கும் தொடர்பே இல்லை. எனினும், இங்கும் கிட்டத்தட்ட அதேபோல் ஒரு பாடத்தைப் பார்த்தேன்.

‘கடிதம் எழுதுவது என்பது ஒருவருடன் உறவாடுவதுபோல’ என்கிறார் T. D. திருமலை. ‘உங்கள் கடிதம் நிர்வாகரீதியில் எழுதப்பட்ட சுற்றறிக்கையைப்போல் இருக்கக்கூடாது. கடிதம் எழுதும்போது அன்பும் பாசமும் உறவும் கலந்து இருக்கவேண்டும்.’

வாடிக்கையாளர்களோ உறவினர்களோ மற்றவர்களோ, அன்போடு பேசினால், எழுதினால் நெருக்கம் வரும், செயற்கைத்தனம் கலந்துவிட்டால் விலக்கம் மிகும்.

***

Keywords: Writing, Letters, Emails, Letterwriting, Letter writing, Communication, Marketing, Marketing Communication, Advice, Tips, Connecting with readers, Connection

உங்கள் புத்தகங்களுக்குச் சிறந்த அட்டைப்படங்களை உருவாக்க உதவும் புதிய தளம் Coverjig

உங்களுடைய புத்தகங்களை வாசகர்களிடம் கொண்டுசேர்க்கின்ற முதல் கருவிகளில் ஒன்று, நல்ல அட்டைப்படம். அதைமட்டும் வைத்து யாரும் வாங்குவதில்லை என்றாலும், பல நூல்களில் எதைத் தேர்ந்தெடுக்கலாம் என்று வாசகர்கள் தீர்மானிக்க அதுவும் உதவுகிறது.

நல்ல அட்டைப்படத்தை வடிவமைப்பதற்கு நீங்கள் ஒரு வடிவமைப்பாளருடன் (Designer) பணியாற்றவேண்டியிருக்கும். அல்லது, இதற்கென்று உள்ள இணைய மென்பொருள்களைப் பயன்படுத்தி எளிதில் அட்டைப்படம் வடிவமைக்கலாம்.

அவ்வகையில் இணையத்தில் அறிமுகமாகியுள்ள புதிய தளம், Coverjig. யார் வேண்டுமானாலும் சில க்ளிக்குகளில் உங்கள் புத்தகத்துக்கான அழகான அட்டையை இங்கு வடிவமைத்துவிடலாம். இது உண்மையில் வணிகத் தளம்தான் என்றாலும், இப்போதைக்குத் தங்கள் சேவையை இலவசமாக வழங்குகிறார்கள், பயன்படுத்திப் பாருங்கள்.

ஆனால் ஒன்று, மற்ற பல தளங்களைப்போல் இந்தத் தளம் ஆங்கிலத்தில்தான் வேலை செய்கிறது. தமிழில் அட்டை வடிவமைத்தாலும் பின்னர் Export செய்யும்போது அது வெறும் பெட்டியாகதான் வருகிறது. இந்தப் பிழையை Coverjig குழுவினருக்குச் சொல்லுங்கள், அவர்களுடைய மென்பொருளில் தமிழுக்கும் ஆதரவு வேண்டும் என்று கேளுங்கள். அதற்கு நீங்கள் இங்கு க்ளிக் செய்யவேண்டும்.

Coverjig இணையத் தளத்தைப் பயன்படுத்தி இலவசமாகவும் எளிதாகவும் அட்டை வடிவமைக்க, இங்கு க்ளிக் செய்யுங்கள்.

உங்கள் நூல்களின் வடிவமைப்புப் பணிகளுக்கு உதவக்கூடிய இன்னொரு தளத்தைப்பற்றி இங்கு எழுதியுள்ளோம்: உங்கள் நூல்கள், இணையத் தளத்தை அழகுபடுத்த உதவும் Creative Fabrica இணையத் தளம்

***

Keywords: Book Wrapper, Book Cover, Wrappers, Wrapper, Wrapper Design, Cover Design, Designer, Coverjig

உங்கள் புத்தகத்தை நன்கு மார்க்கெட்டிங் செய்து விற்பனை செய்வது எப்படி: கற்றுத்தருகிறார் எழுத்தாளர் நிக் ஸ்டீஃபன்சன்

புத்தக எழுத்தைப்போல் மார்க்கெட்டிங் என்பதும் ஒரு முக்கியமான நுட்பம். இதன்மூலம் உங்கள் நூல் இன்னும் பலருக்கு எளிதில் சென்று சேர்வதற்கான வாய்ப்பு அமையும். இதைச் சரியாகச் செய்தால், எழுத்தாளர்களுக்கான மாத வருமான வழி ஒன்று தானாக உருவாகிவிடும்.

ஆனால், பெரும்பாலான எழுத்தாளர்களுக்கு இந்த மார்க்கெட்டிங் நுட்பங்கள் தெரிந்திருப்பதில்லை. இது கடினம்தான், ஆனால், கற்றுக்கொண்டுவிட்டால் எளிதாகிவிடும்.

அவ்வகையில், புகழ் பெற்ற எழுத்தாளர் நிக் ஸ்டீஃபன்சன் வரும் அக்டோபர் 7 அன்று “$0 to $1K a Month in Book Sales” என்ற தலைப்பில் இலவசப் பயிற்சி வகுப்பு ஒன்றை நடத்துகிறார். ஆர்வமுள்ளவர்கள் அதில் கலந்துகொண்டு கற்றுக்கொள்ளுங்கள், சந்தைப்படுத்தலை வலுவாக்கி உங்கள் விற்பனையைப் பெருக்குங்கள்.

நிக் ஸ்டீஃபன்சன் அவர்கள் நடத்தும் இலவசப் பயிற்சி வகுப்பில் கலந்துகொள்ள, இங்கு க்ளிக் செய்யுங்கள்.

நிக் ஸ்டீஃபன்சன் அவர்களுடைய புத்தகங்களைக் காண, இங்கு க்ளிக் செய்யுங்கள்.

***

Keywords: Writing, Writers, Writer, Authors, Author, Publishing, Editing, Courses, Course, Writing Courses, Writing Course, Free Writing Courses, Editing Courses, Publishing Courses, Learn to Write, Writing Workshops, Writing Workshop, Marketing, Promotion, Publicity, Promoting Books, Selling Books, Sales

பயிற்சிகளின்மூலம் எழுதக் கற்றுக்கொள்ள இயலுமா? எழுத்தாளர் பா. ராகவன் பேட்டி

இதே தலைப்பில் இன்னும் சில முக்கியமான பதிவுகள்:

***

Keywords: Writing, Writers, Writer, Authors, Author, Art of writing, Writing classes, Writing Class, Writing Workshops, Writing Workshop, Courses, Course, Writing Courses, Writing Course, Pa. Raghavan, Pa. Ragavan, Learn to write, Learn Writing

யூட்யூபில் எழுத்தாளர்கள்: 10 வெற்றி வழிகள்

நீங்கள் யூட்யூபில் இருக்கிறீர்களா?

நான் எழுத்தாளர், எனக்கு யூட்யூபில் என்ன வேலை என்று சிந்திக்கவேண்டாம். எழுத்தாளர்கள் தங்களுடைய படைப்பை வாசகர்களிடம் கொண்டுசெல்கிறவர்களாகவும் இருக்கவேண்டிய இந்த மார்க்கெட்டிங் உலகத்தில் யூட்யூப் என்னும் உலகின் மிகச் சிறந்த மார்க்கெட்டிங் கருவியை எழுத்தாளர்களும் பயன்படுத்திக்கொள்ளவேண்டும், வீடியோக்களின்மூலம் தங்கள் வாசகர்களை இன்னும் நெருக்கமாக அணுகவேண்டும்.

பெரும்பாலான யூட்யூப் வீடியோக்கள் இலவசம்தான். ஆனால், எழுத்தாளர்கள் சொந்தமாகச் சானல் வைத்து அதற்குச் சந்தாக் கட்டணம் வசூலிக்கிற வாய்ப்பும் இருக்கிறது. ஒருவேளை அந்தச் சாத்தியத்தை நீங்கள் பயன்படுத்திக்கொள்ளாவிட்டாலும், இலவச வீடியோக்களே உங்களுக்கு ஒரு நல்ல மார்க்கெட்டிங் கருவியாகச் செயல்படும், வாசகர்களை உங்கள் பக்கத்துக்கு அழைத்துவரும்.

யூட்யூபில் எழுத்தாளர்கள் என்ன செய்யலாம்?

இதற்கு ஏராளமான யோசனைகள் உள்ளன. அதில் முதன்மையான பத்து யோசனைகளை இங்கு பார்ப்போம்:

  1. உங்களுடைய புத்தகங்களைப்பற்றிய சிறு அறிமுகக் குறிப்புகளை நீங்களே பேசி வெளியிடலாம். அல்லது, உங்கள் நூல்களைப் படித்த வாசகர்களைப் பேசவைத்து வெளியிடலாம்.
  2. உங்கள் புத்தகங்களிலிருந்து ஒரு சிறு பகுதியை அல்லது உங்களுடைய கவிதைகள், சிறுகதைகள், கட்டுரைகளை நீங்களே படித்து வெளியிடலாம், ஒலிப் புத்தகம்போல் இது வீடியோ புத்தகம். அதற்குப் பல வாசகர்கள் உள்ளார்கள்
  3. உங்களுடைய பேட்டிகளை வெளியிடலாம்.
  4. எழுதுவதுபற்றிய சிறு குறிப்புகளை நீங்கள் உங்கள் வாசகர்களுக்கு வழங்கலாம்.
  5. நீங்கள் அடுத்து எழுதும் புத்தகத்தைப்பற்றிய அறிமுகத்தைக் கொடுத்து ஆர்வத்தைத் தூண்டலாம்.
  6. உங்களுடைய இயல்பு வாழ்க்கையில் நடக்கிய விஷயங்களை உங்கள் கருத்துகளுடன் பதிவு செய்யலாம்.
  7. நீங்கள் எழுதும் அறையை, அல்லது, எழுதுகிற முறையை வீடியோவாக வழங்கலாம்.
  8. வாசகர்களுடைய கேள்விகளுக்கு வீடியோவில் பதில் அளிக்கலாம்.
  9. உங்கள் புத்தகங்களுடன் தொடர்புடைய கூடுதல் தகவல்களை (Extra Materials) வீடியோ வடிவில் வழங்கலாம். எடுத்துக்காட்டாக, ஒரு நாவல் இடம்பெறுகிற இடத்திலிருந்து நீங்கள் பேசலாம், அது நாவலைப் படித்தவர்களுக்கு ஒரு புதுமையான அனுபவமாக இருக்கும்.
  10. நீங்கள் எந்தத் துறைபற்றி எழுதுகிறீர்களோ, அதில் சிறிய, பெரிய பாடங்களை/வகுப்புகளை யூட்யூப் லைவ் ஸ்ட்ரீமிங் வழியாக நடத்தலாம், அவற்றை நிரந்தரப் பதிவுகளாக யூட்யூபில் வைக்கலாம்.

இப்படி இன்னும் பல வழிகள் உள்ளன. எதுவானாலும் தரமாகச் செய்தால் வாசகர்கள் விரும்புவார்கள், உங்களைக் கொண்டாடுவார்கள்.

இப்படி உங்களுக்குத் தெரிந்த, நீங்கள் பயன்படுத்துகிற, விரும்புகிற வீடியோ வழிகளைக் கமென்ட்ஸ் பகுதியில் சொல்லுங்கள். அனைவரும் சேர்ந்து கற்றுக்கொள்வோம்.

***

Keywords: Authors, Author, Writers, Writer, Writing, Author Brand, Writer Brand, Video, Marketing, Video Marketing, Book Marketing, Books, Book, YouTube, Vimeo, YouTube Live Streaming, Live Stream, Live Streaming

எழுதக் கற்றுத்தரும் 19 இலவசப் பயிற்சி வகுப்புகள்

எழுத்து என்பது கற்றுத்தந்து வருமா என்கிற கேள்வி எல்லாருக்கும் உண்டு. ஆனால், எல்லாத் துறைகளையும்போல் எழுத்திலும் கற்றுக்கொள்ளவேண்டிய நுட்பங்கள் பல இருக்கின்றன. சரியான ஆசிரியரிடம் அவற்றைக் கற்றுக்கொண்டால் முன்பைவிடச் சிறப்பாக எழுதலாம்.

அவ்வகையில், Reedsy Learning என்ற நிறுவனம் வழங்கும் 19 எழுத்துப் பயிற்சிகளை நீங்கள் பயன்படுத்திக்கொள்ளலாம். காட்சிகளை அமைப்பது, சஸ்பென்ஸ் நாவல் எழுதுவது, காதல் காட்சிகளை உருவாக்குவது, இளைஞர்களுக்கான எழுத்து, இன்னும் பல தலைப்புகளில் இங்கு பயிற்சி வகுப்புகள் உள்ளன. இவை அனைத்தும் ஆங்கிலத்தில் அமைந்துள்ளன, மின்னஞ்சல்மூலம் 10 நாட்களில் கொஞ்சங்கொஞ்சமாக வழங்கப்படுகின்றன, ஓய்வு நேரத்தில் கற்றுக்கொள்ளலாம், அதுவும் இலவசமாக.

ஆர்வம் உள்ளவர்கள் இங்கு க்ளிக் செய்து இந்த வகுப்புகளில் இணையலாம்.

எழுத்துடன் தொடர்புடைய வடிவமைப்பு, எடிட்டிங், மார்க்கெட்டிங் போன்ற தலைப்புகளிலும் Reedsy Learning வகுப்புகளை வழங்குகிறது. இவற்றில் ஆர்வம் உள்ளவர்கள் இங்கு க்ளிக் செய்யுங்கள்.

எழுதக் கற்றுத்தரும் மற்ற சில பயிற்சி வகுப்புகள், உதவிக் குறிப்புகள்:

***

Keywords: Writing, Writers, Writer, Authors, Author, Publishing, Editing, Courses, Course, Writing Courses, Writing Course, Free Writing Courses, Editing Courses, Publishing Courses, Learn to Write, Writing Workshops, Writing Workshop

Twitterன் புதிய Super Follows வசதியை எழுத்தாளர்கள் எப்படிப் பயன்படுத்திக்கொள்ளலாம்?

280 எழுத்துகளில் சிறு குறிப்புகளை எழுத வழிவகை செய்கிற புகழ் பெற்ற Twitter இணையத் தளம் இப்போது “Super Follows” என்ற புதிய வசதியை அறிமுகப்படுத்தியிருக்கிறது. இதுபற்றி எழுத்தாளர் என். சொக்கன் எழுதியிருக்கும் குறிப்பு:

ட்விட்டரில் “Super Follows” என்ற புதிய வசதி வந்திருக்கிறது. அதாவது, மாதச் சந்தா செலுத்திச் சில கூடுதல் விஷயங்களைப் படிக்கும் வசதி.

எடுத்துக்காட்டாக, நீங்கள் ட்விட்டரில் ஒரு கிரிக்கெட் வீரரைப் பின்தொடர்கிறீர்கள் என்று வைத்துக்கொள்வோம். அவருடைய பொதுவான ட்வீட்களை எல்லாரும் படிக்கலாம். ஆனால், குறிப்பிட்ட கிரிக்கெட் போட்டிகளைப்பற்றிய அவருடைய தனிப்பட்ட அனுபவங்களைச் சந்தா செலுத்துபவர்கள்மட்டும்தான் படிக்க இயலும். இதற்கு நீங்கள் மாதம் 3/5/10 டாலர் அளவில் செலுத்தவேண்டியிருக்கும்.

இந்த வசதி இப்போது அமெரிக்காவில்மட்டும்தான் கிடைக்கிறது. விரைவில் மற்ற நாடுகளுக்கும் வரும் என்று நினைக்கிறேன். இது வெற்றியடைந்தால் ஃபேஸ்புக்கும் இந்த மாதிரியைப் பின்பற்றக்கூடும்.

இணையத்தில், குறிப்பாகச் சமூக ஊடகங்களில் அனைத்தும் இலவசம் என்ற மனநிலை இருக்கிற சூழலில் இந்தப் “பணம் செலுத்திப் படிக்கும்” Paygate உத்தி எவ்வளவு பயன்படும் என்று எனக்குத் தெரியவில்லை.

ஒருவேளை, இந்த Super Follows வசதி வெற்றியடைந்தால், எழுத்தாளர்கள் இதை நன்கு பயன்படுத்திக்கொள்ளலாம் என்று தோன்றுகிறது. 280 எழுத்துகளில் தங்கள் சிந்தனைகள், கருத்துகளைப் பகிர்ந்துகொள்வதில் தொடங்கி, Twitter Threads எனப்படும் திரிகளில் சிறுகதை, தொடர்கதைகளைக்கூட வாசகர்களுக்காக எழுதலாம், போதுமான எண்ணிக்கையில் சந்தாதாரர்கள் சேர்ந்தால் இது அவர்களுக்கான ஒரு புதிய பதிப்புக் களத்தை, வருவாய் வாய்ப்பை உருவாக்கித் தரக்கூடும்.

நீங்கள் என்ன நினைக்கிறீர்கள்? இதுபற்றிய உங்கள் கருத்துகளைப் பகிர்ந்துகொள்ளுங்கள்.

***

Keywords: Twitter, Tweet, Tweets, Twitter Threads, Follow, Followers, Follower, Super Follows, Paid Content, Free Content

உங்கள் நூல்கள், இணையத் தளத்தை அழகுபடுத்த உதவும் Creative Fabrica இணையத் தளம்

எழுத்துதான் ஒரு படைப்பின் உயிர். எனினும், அதை அழகுபடுத்துவதற்கு நல்ல எழுத்துருக்கள் (Fonts), படங்கள் (Graphics) போன்றவையும் தேவைப்படுகின்றன. இணையத்தில் இவை இலவசமாகக் கிடைத்தாலும், பெரும்பாலானவை காப்புரிமை பெற்றவை. அவற்றை அனுமதியின்றிப் பயன்படுத்துவது சட்டப்படி தவறு. உரியவர்கள் வழக்கு தொடர்ந்தால் பெரிய தொகையைச் செலுத்தவேண்டியிருக்கும், அவமானம் தனிக் கணக்கு.

இதனால், எழுத்தாளர்கள் தங்களுடைய நூல்கள், இணையத் தளங்கள், ஃபேஸ்புக், ட்விட்டர், இன்ஸ்டாகிராம் போன்ற சோஷியல் மீடியா பதிவுகள் ஆகியவற்றை அழகுபடுத்துவதற்கு உரிமம் பெற்ற முறையான Fonts, Graphics போன்றவற்றைப் பயன்படுத்துவது நல்லது. Creative Fabrica என்ற தளம் இவற்றைக் குறைந்த விலையில் வழங்குகிறது, பல விஷயங்கள் இலவசமாகவும் வழங்கப்படுகின்றன.

ஆர்வமுள்ளவர்கள் இங்கு க்ளிக் செய்து இந்தத் தளத்தில் இணைந்துகொள்ளுங்கள், உங்கள் படைப்புகளை மேலும் அழகாக்குங்கள்.

உங்கள் நூல்களின் அட்டை வடிவமைப்புப் பணிக்கு உதவக்கூடிய இன்னொரு தளத்தைப்பற்றி இங்கு எழுதியுள்ளோம்: உங்கள் புத்தகங்களுக்குச் சிறந்த அட்டைப்படங்களை உருவாக்க உதவும் புதிய தளம் Coverjig

***

Keywords: Fonts, Graphics, Font, Graphic, Images, Graphic Resources, Image, Pictures, Picture, Design, Designer, Designing, Designer Resources, Creative Fabrica, CreativeFabrica

உங்களுடைய எழுத்தாளர் தகவல் குறிப்புப் பக்கத்தை (Author Profile Page) உருவாக்குங்கள்

இணையத்தில் ஒரு நகைச்சுவைத் துணுக்கைப் பார்த்தேன்:

ஒருவர்: நான் உங்களைப்பற்றித் தெரிந்துகொள்ள விரும்புகிறேன். கொஞ்சம் விளக்கமாகச் சொல்லுங்களேன்.

இன்னொருவர்: சட்டையைத் திறந்து காண்பிக்கிறார். உள்ளே அவருடைய டிஷர்ட்டில் ஒரு QR Code இருக்கிறது.

முதல் நபர்: அந்த QR Codeஐ ஸ்கேன் செய்து படிக்கிறார்

இது ஒரு நகைச்சுவைக் கற்பனைதான். ஆனால், இன்றைய சூழ்நிலையில் ஒருவர் தன்னைப்பற்றி முழுக்கத் தெரிவிப்பதற்கான ஓர் இணைய முகவரியைத் தயாராக வைத்திருப்பது நல்லது. அதை டிஷர்ட்டில் அச்சிடாவிட்டாலும், தேவையான இடங்களில் நீட்டவேண்டியிருக்கும்.

குறிப்பாக, எழுத்தாளர்கள் தங்களைப்பற்றிய தகவல்களை ஓர் இணையப் பக்கத்தில் (Author Profile Page) பதிவுசெய்து வைக்கலாம். அது சொந்த இணையத் தளமாக இருந்தால் நல்லது, இல்லாவிட்டாலும் பரவாயில்லை WordPress, Blogger, Facebook போன்ற இலவசத் தளங்களில் ஒரு பக்கமாகவும் இருக்கலாம். எல்லாத் தகவல்களும் ஒரே இடத்தில் என்பதுதான் இங்கு முக்கியம்.

எல்லாத் தகவல்களும் என்றால் என்னென்ன தகவல்கள்?

  • உங்கள் முழுப் பெயர்
  • உங்கள் புனைபெயர்
  • என்னமாதிரி நூல்களை எழுதுகிறீர்கள்
  • எவ்வளவு நாளாக எழுதிவருகிறீர்கள்
  • உங்களுடைய நூல்களின் பட்டியல்
  • உங்கள் நூல்கள் எங்கு கிடைக்கும்
  • நீங்கள் வாங்கியுள்ள விருதுகள், மற்ற பாராட்டுகள்
  • நீங்கள் இணையத்தில் எங்கெல்லாம் எழுதிவருகிறீர்கள் (ஃபேஸ்புக், ட்விட்டர் போன்றவை)
  • வேறு எந்த வழிகளில் வாசகர்கள் உங்களுடன் தொடர்பில் இருக்கலாம் (யூட்யூப் சானல் போன்றவை)
  • உங்களைத் தொடர்புகொண்டு பேசுவதற்கான மின்னஞ்சல் முகவரி (கட்டாயம்)
  • உங்களைத் தொடர்புகொண்டு பேசுவதற்கான தொலைபேசி எண் (தேவைப்பட்டால்)
  • தெளிவான ஒரு புகைப்படம்

இது ஒரு சிறு எடுத்துக்காட்டுதான். இதுபோல் பல விஷயங்களை நீங்கள் சேர்க்கலாம். தமிழ், ஆங்கிலம் என இரு மொழிகளில் இதை வெளியிட இயன்றால் இன்னும் நல்லது. அவ்வப்போது புதிய தகவல்களைச் சேர்த்து, பழைய தகவல்களை நீக்கி மேம்படுத்தினால் அதைவிட நல்லது.

அதன்பிறகு, வாசகர்கள், பதிப்பாளர்கள், பிற மொழி வெளியீட்டாளர்கள் என்று யாரைச் சந்தித்தாலும் நீங்கள் இந்த இணைய முகவரியைக் கொடுக்கலாம், உங்களுடைய Visiting Cardல், மின்னஞ்சல் Signatureல் இதைச் சேர்க்கலாம். மக்கள் வேண்டியதைப் படித்துத் தெரிந்துகொள்வார்கள், உங்களைத் தொடர்புகொள்வார்கள்.

இன்றே உங்களுடைய முழுமையான இணையத் தகவல் பக்கத்தை உருவாக்கத் தொடங்குங்கள்!

பின்குறிப்பு: இவ்வாறு நீங்கள் உருவாக்குகிற உங்கள் இணையப் பக்கத்தை ஆராய்ந்து, அதிலுள்ள பிழைகள், முன்னேற்ற வாய்ப்புகளைக் கண்டறியும் ஓர் இலவசச் சேவையைப்பற்றித் தெரிந்துகொள்ள, இங்கு க்ளிக் செய்யுங்கள்.

***

Keywords: Author Bio, Writer Bio, Author Resume, Writer Resume, Author Details, Writer Details, Author Profile, Writer Profile, Your Web Page, Your Web Identity