Nonfiction Book Proposal எழுதுவது எப்படி?

நான்ஃபிக்‌ஷன், அதாவது, புனைவல்லாத நூல்களைப் பதிப்பகங்களுக்கு அறிமுகப்படுத்தும் Book Proposalகளை எழுதுவது எப்படி? கற்றுத்தருகிறார் Reedsy இணையத் தளத்தின் நிறுவனரான இம்மானுவேல் நடாஃப். ஐந்து எளிய, தெளிவான படிநிலைகளைக் கொண்ட இந்த ஆங்கிலக் கட்டுரையை இங்கு க்ளிக் செய்து படிக்கலாம்.

இவருடைய Reedsy இணையத் தளம் வழங்கும் எழுத்தாளர்களுக்கான 19 இலவசப் பயிற்சி வகுப்புகளைப்பற்றி அறிய, இங்கு க்ளிக் செய்யுங்கள்.

***

Keywords: Books, Book Proposals, Nonfiction, Non Fiction, Non-fiction, புனைவல்லாத நூல்கள், புனைவல்லாத நூல், அபுனைவு நூல், அபுனைவு, அபுனைவுகள், புனைவல்லாதவை

உங்கள் புத்தகத்தை நன்கு மார்க்கெட்டிங் செய்து விற்பனை செய்வது எப்படி: கற்றுத்தருகிறார் எழுத்தாளர் நிக் ஸ்டீஃபன்சன்

புத்தக எழுத்தைப்போல் மார்க்கெட்டிங் என்பதும் ஒரு முக்கியமான நுட்பம். இதன்மூலம் உங்கள் நூல் இன்னும் பலருக்கு எளிதில் சென்று சேர்வதற்கான வாய்ப்பு அமையும். இதைச் சரியாகச் செய்தால், எழுத்தாளர்களுக்கான மாத வருமான வழி ஒன்று தானாக உருவாகிவிடும்.

ஆனால், பெரும்பாலான எழுத்தாளர்களுக்கு இந்த மார்க்கெட்டிங் நுட்பங்கள் தெரிந்திருப்பதில்லை. இது கடினம்தான், ஆனால், கற்றுக்கொண்டுவிட்டால் எளிதாகிவிடும்.

அவ்வகையில், புகழ் பெற்ற எழுத்தாளர் நிக் ஸ்டீஃபன்சன் வரும் அக்டோபர் 7 அன்று “$0 to $1K a Month in Book Sales” என்ற தலைப்பில் இலவசப் பயிற்சி வகுப்பு ஒன்றை நடத்துகிறார். ஆர்வமுள்ளவர்கள் அதில் கலந்துகொண்டு கற்றுக்கொள்ளுங்கள், சந்தைப்படுத்தலை வலுவாக்கி உங்கள் விற்பனையைப் பெருக்குங்கள்.

நிக் ஸ்டீஃபன்சன் அவர்கள் நடத்தும் இலவசப் பயிற்சி வகுப்பில் கலந்துகொள்ள, இங்கு க்ளிக் செய்யுங்கள்.

நிக் ஸ்டீஃபன்சன் அவர்களுடைய புத்தகங்களைக் காண, இங்கு க்ளிக் செய்யுங்கள்.

***

Keywords: Writing, Writers, Writer, Authors, Author, Publishing, Editing, Courses, Course, Writing Courses, Writing Course, Free Writing Courses, Editing Courses, Publishing Courses, Learn to Write, Writing Workshops, Writing Workshop, Marketing, Promotion, Publicity, Promoting Books, Selling Books, Sales

வழக்கமான பதிப்பித்தலா? அல்லது, சுய பதிப்பித்தலா? கற்றுத்தருகிறார் பால் ப்ராட்லி கர்

இன்றைக்கு எழுதுகிற ஒவ்வொருவருக்கும் இருக்கிற முக்கியமான ஒரு கேள்வி: என் படைப்புகளைப் பிற பதிப்பாளர்களிடம் (அதாவது, Traditional Publishers எனப்படும் வழக்கமான பதிப்பாளர்களிடம்) தருவதா, அல்லது, நானே வெளியிடுவதா? (அதாவது, Self Publisher ஆவதா?)

இந்த இரு முறைகளிலும் நன்மைகளும் உள்ளன, தீமைகளும் உள்ளன. அதனால், உலகமெங்கும் பல எழுத்தாளர்கள் இதில் குழம்பி நிற்கிறார்கள்.

நாளை (செப்டம்பர் 23 அன்று) எழுத்தாளர் பால் ப்ராட்லி கர் இந்தத் தலைப்பில் ஒரு விரிவான நிகழ்ச்சியை நடத்தவிருக்கிறார். உங்கள் புத்தகத்துக்கு நல்ல பதிப்பித்தல் வழியைக் கண்டறிய இந்த நிகழ்ச்சி உதவும். (ஒரே ஒரு பிரச்சனை, நம் நாட்டின் நள்ளிரவு நேரத்தில் இந்த நிகழ்ச்சியை வைத்துள்ளார்கள். வேறு வழியில்லை, கற்றுக்கொள்வதற்குக் கொஞ்சம் தூக்கம் விழிக்கவேண்டியதுதான்.)

‘Traditional Vs Self-Publishing: An Author’s Inside Scoop’ என்ற தலைப்பிலான இந்த நிகழ்ச்சிக்கு இலவசமாகப் பதிவு செய்துகொள்ள, இங்கு க்ளிக் செய்யுங்கள்.

பால் ப்ராட்லி கர் புத்தகங்களைப் படிக்க, இங்கு க்ளிக் செய்யுங்கள்.

உங்கள் ஈபுக்கை(மின்னூலை) நீங்களே திட்டமிட்டுப் பதிப்பிப்பது எப்படி என்று தெரிந்துகொள்ள, எழுதுவோம் தளத்தில் வெளியான இந்தக் கட்டுரையைப் படியுங்கள்.

***

Keywords: Publishing, Publisher, Traditional Publishing, Traditional Publisher, Traditional Publishers, Publishers, Self Publishing, Self-Publishing, Self Publisher, Self-Publisher, Self Publishers, Self-Publishers, Publishing your book, Publishing your own book, Publication, Publications, Indie Publishing, Indie Publisher, Indie Publishers, Paul Bradley Carr, Author, Authors, Writer, Writers

உங்களுடைய Sensitivity Reader யார்?

உங்களுடைய கதை, கட்டுரை, நூல் போன்றவற்றை எழுதியதும் பிறரிடம் கொடுத்துப் படிக்கச் சொல்வீர்கள், அவர்கள் சொல்லும் கருத்துகளைச் சிந்தித்து, தேவையான திருத்தங்களைச் செய்வீர்கள், அதன்பிறகுதான் பதிப்பிப்பீர்கள். அது ஒரு நல்ல பழக்கம், உங்கள் படைப்பைச் சிறப்பாக ஆக்குகிற உத்தி.

ஏனெனில், எழுதுகிற நம்முடைய பார்வையும் வாசகருடைய பார்வையும் ஒரேபோல் இருப்பதில்லை. அதனால், நாம் ஒரு குறிப்பிட்ட வகையில் சிந்தித்த படைப்பைப் பிறர் எப்படிப் பார்க்கிறார்கள் என்பதை அறிந்து அதன்படி செயல்படுவது நல்லது.

ஆனால், இப்படிப் பிறருடைய கருத்துகளைப் பொதுவாகக் கேட்பதுமட்டும் போதாது, அதில் ஒருவராவது Sensitive Readerஆக இருக்கவேண்டும் என்கிறார்கள் வல்லுனர்கள்.

அதென்ன Sensitive Reader?

Sensitive என்ற ஆங்கிலச் சொல்லுக்கு அகரமுதலி சொல்லும் பொருள் இது:

Quick to detect or respond to slight changes, signals, or influences

தமிழில் இதை நுண்ணுணர்வு என்று கூறலாம். அதாவது, படைப்பில் நுட்பமாக வெளிப்படக்கூடிய, பிறரை நல்லமுறையில் அல்லது கெட்டமுறையில் பாதிக்கக்கூடிய விஷயங்களை அடையாளம் காண்பது.

எடுத்துக்காட்டாக, உங்கள் கதையில் காது கேட்காதவர்களைக் கேலி செய்து ஒரு வரி இருக்கிறது என்று வைத்துக்கொள்வோம். எழுதும்போது நீங்கள் அதை ஒரு நகைச்சுவையாக எண்ணியிருக்கலாம். ஆனால், உண்மையில் காது கேட்காத ஒருவர் அதைப் படிக்கும்போது மனம் வருந்தக்கூடும். இதுபோன்றவற்றை அடையாளம் கண்டு சுட்டிக்காட்டுகிறவர்தான் Sensitivity Reader, அதாவது, நுண்ணுணர்வுள்ள வாசகர்.

இங்கு காது கேளாமை என்பது ஓர் எடுத்துக்காட்டுதான். இதேபோல் பெண்களை, குள்ளமானவர்களை, மெதுவாக நடக்கிறவர்களை, ஒரு குறிப்பிட்ட இனத்தைச் சேர்ந்தவர்களைக் கேலி செய்கிற விஷயங்கள் உங்களையும் அறியாமல் உங்கள் படைப்பில் இடம்பெற்றுவிடலாம். எல்லாருக்கும் எழுதுகிற நீங்கள் இதுபோன்ற விஷயங்களைத் தவிர்ப்பதற்கு ஒரு Sensitivity Reader உதவுவார், பிரச்சனையை உங்களுக்குப் புரியவைத்துத் திருத்துவார்.

அதனால், உங்களுடைய படைப்புகளை வெளியிடுமுன் நுண்ணுணர்வுள்ள வாசகர் ஒருவரிடம் படிக்கக் கொடுங்கள். அப்படி ஒருவர் உங்கள் வட்டத்தில் இல்லை என்றால், அவரைக் கண்டறியுங்கள். அதைவிட முக்கியம், அவர் சொல்லும் கருத்துகளைக் கூர்ந்து கவனித்து, வருங்காலத்தில் உங்கள் எழுத்தில் அந்தப் பிரச்சனைகள் வராமல் பார்த்துக்கொள்ளுங்கள்.

நீங்கள் Sensitive Reader ஆக விரும்புகிறீர்களா? அதைக் கற்றுத்தரும் புத்தகம் ஒன்று இங்கு உள்ளது.

***

Keywords: Readers, Reader, Reviewers, Reviewer, Review, Reading, Reviewing, Comments, Comment, Commenting, Feedback, Feed back, Sensitive, Sensitivity, Sensitive Reader, Sensitivity Reader, Sensitive Reader, Sensitivity Readers, Alpha Reader, Alpha Readers, Beta Reader, Beta Readers

பொதுத் தளத்தில் (Public Domain) உள்ள நூல்களை வெளியிடுவோருக்கான ஃபேஸ்புக் குழு

Public Domain எனப்படும் பொதுத் தளத்தில் உள்ள நூல்களை வெளியிட்டு வருவாய் பெறுகிறவர்கள் உலகெங்கும் உள்ளார்கள். ஆனால், இதை எல்லாரும் சட்டென்று செய்துவிட இயலாது, அந்தந்தத் தளங்களில் இதற்கென்று உள்ள பொது விதிகளை அறிந்துதான் செய்யவேண்டும், இல்லாவிட்டால் உங்கள் பதிப்பாளர் கணக்கு முடக்கப்படலாம்.

இதுதொடர்பான உரையாடல்களுக்கென்று ஒரு புதிய ஃபேஸ்புக் குழுமம் தொடங்கப்பட்டிருப்பதை நாங்கள் கவனித்தோம். இவ்வகை நூல்களைப் பதிப்பிக்கும் ஆர்வமுள்ளவர்கள் இங்கு க்ளிக் செய்து அந்தக் குழுமத்தில் இணைந்துகொள்ளுங்கள், Public Domain புத்தகங்களை வெளியிடுவதுபற்றித் தெரிந்துகொள்ளுங்கள்.

சமீபத்தில் நாட்டுடைமையான எழுத்தாளர்களைப்பற்றிய செய்தியை இங்கு வாசிக்கலாம்.

உங்கள் மின்னூலைத் திட்டமிட்டுப் பதிப்பிப்பதற்கான 20 குறிப்புகளை இங்கு வாசிக்கலாம்.

அமேசானில் கிடைக்கும் Public Domain புத்தகங்கள் சிலவற்றை இங்கு காணலாம்.

பின்குறிப்பு: இந்தக் குழுமத்துக்கும் “எழுதுவோம்” குழுவுக்கும் இணைப்பு இல்லை. ஒரு தகவல் என்றமுறையில்தான் இதை வெளியிடுகிறோம். அங்கு வழங்கப்படும் செய்திகள், அறிவுரைகளைச் சிந்தித்துப் பின்பற்றுங்கள்.

***

Keywords: Public Domain, Public Domain Books, Public Domain Book, Public Domain Publishing, Nationalized, Nationalised, Nationalized Books, Nationalised Books, Nationalized Book, Nationalised Book, KDP, Kindle Direct Publishing, Kindle, Books, Book, EBooks, Ebook, Kindle Publishing

உங்கள் ஈபுக்கை(மின்னூலை)த் திட்டமிட்டுப் பதிப்பிப்பது எப்படி?

உங்களுடைய ஈபுக், அதாவது, மின்னூலைத் திட்டமிட்டுப் பதிப்பிப்பது எப்படி? சரியாகத் திட்டமிட்டு முறையாக வெளியிட்டுப் புகழ் பெறச் செய்வது எப்படி? அதற்கான இருபது படிநிலைகளைத் (Steps) தொகுத்து வழங்கியுள்ளோம். பயன்படுத்திக்கொள்ளுங்கள்.

1

எதைப் பதிப்பிப்பது என்று தீர்மானியுங்கள். ஏற்கெனவே எழுதியதைத் தொகுத்து வெளியிடுகிறீர்களா, அல்லது, புதிதாக எழுதப்போகிறீர்களா?

2

இவ்வகை நூலுக்கு வரவேற்பு இருக்கும் என்று உங்களுக்குத் தெரியுமா? நண்பர்களிடம் பேசுங்கள், இணையத்தில் உரையாடுங்கள், தகவல் திரட்டுங்கள், தேவைப்பட்டால் உங்கள் நூல் யோசனையில் மாற்றம் செய்யுங்கள்.

3

நூலை எழுதுங்கள். அல்லது, ஏற்கெனவே எழுதிய பகுதிகளைத் திரட்டுங்கள். எடிட் செய்து மேன்மையாக்குங்கள்.

உங்களுடைய நூல் யுனிகோட் வடிவத்தில் இருக்கும்படி பார்த்துக்கொள்ளுங்கள். ஏனெனில், பெரும்பாலான மின்னூல் வெளியீட்டுத் தளங்கள் யுனிகோட் வடிவத்தில்தான் உங்கள் படைப்புகளைப் பெறுகிறார்கள்.

ஒருவேளை உங்கள் படைப்பு யுனிகோடில் இல்லை என்றால், யுனிகோடுக்கு மாற்றுங்கள். அதற்குப் பல மென்பொருள்கள் உள்ளன. எடுத்துக்காட்டாக: NHM Converter அல்லது ஓவன்.

4

உங்கள் படைப்பு முழுவதும் ஒரே கோப்பில் இருக்கவேண்டும் (எடுத்துக்காட்டாக, DOCX அல்லது Google Docs வடிவம்). அவ்வாறு தொகுக்கும்போது, அத்தியாயத் தொடக்கங்கள் அடுத்தடுத்த பக்கங்களில் வரும்படி பார்த்துக்கொள்ளுங்கள், நூலின் தொடக்கத்தில் நூலின் பெயர், உங்கள் பெயர், மின்னஞ்சல் முகவரி போன்றவற்றைச் சேருங்கள். வாசகர்களுடன் ஓரிரு வரிகளில் உரையாடும்படியான பகுதி ஒன்றைச் சேருங்கள், அது நல்ல பிணைப்பை உண்டாக்கும்.

5

நூலுக்கு Table of Contents (சுருக்கமாக, TOC, உள்ளடக்கப் பட்டியல்) தேவை. இதற்கு நீங்கள் ஒவ்வோர் அத்தியாயத்தையும் “Heading” என்ற முறையில் அமைக்கவேண்டும். பின்னர் TOCஐ உருவாக்கவேண்டும். இதன்மூலம் வாசகர் விரும்பிய பகுதிக்குத் தாவிச் செல்லலாம்.

TOC உருவாக்கத் தெரியவில்லையா? பிரச்சனை இல்லை. அதை எளிதில் கற்றுக்கொள்ளலாம். எடுத்துக்காட்டாக, இந்த வீடியோவைப் பாருங்கள். இதுபோல் இன்னும் பல வீடியோக்கள் உள்ளன, பத்து, பதினைந்து நிமிடத்தில் இதைக் கற்றுக்கொண்டுவிடலாம்.

6

நூலின் படங்களைச் சேர்க்கிறீர்கள் என்றால், அவற்றுக்கான பதிப்புரிமை யாரிடம் உள்ளது என்று பாருங்கள், அவர்களிடம் அனுமதி பெறுங்கள். உரிமை இல்லாத படைப்புகளைப் பயன்படுத்துவது சட்டப்படி குற்றம்.

இணையத்தில் காப்புரிமை தேவைப்படாத இலவசப் படங்கள் பலவும் உள்ளன. அவற்றையும் நீங்கள் பயன்படுத்தலாம். எடுத்துக்காட்டாக, Unsplash மற்றும் Pixabay தளங்களைப் பாருங்கள்.

இன்னொரு விஷயம், மின்னூல்களுக்குப் படங்கள் பெரும்பாலும் தேவைப்படாது. மிகவும் தேவைப்படுகிற விளக்கப் படங்கள், வரைபடங்கள் (Maps) போன்றவற்றைப் பயன்படுத்தலாம். மற்றபடி அவை இடத்தை அடைக்கிற விஷயங்கள்தான்.

7

நீங்கள் எந்தத் தளத்தில் பதிப்பிக்க விரும்புகிறீர்கள் என்று சிந்தியுங்கள். எடுத்துக்காட்டாக, அமேசான் கிண்டில் அல்லது கூகுள் புக்ஸ். அந்தத் தளத்துக்குச் சென்று, அவர்களுடைய விதிமுறைகளைப் படியுங்கள், வீடியோக்களைப் பாருங்கள், பழக்கப்படுத்திக்கொள்ளுங்கள்.

ஒரே நேரத்தில் பல தளங்களிலும் பதிப்பிக்கலாம். ஆனால், ஒன்றில் தொடங்கி முன்னேறுவது நல்லது.

8

முந்தைய படிநிலையில் நீங்கள் தேர்ந்தெடுத்த தளத்தில் உங்களை ஓர் உறுப்பினராக, அதாவது, பதிப்பாளராகப் பதிவு செய்துகொள்ளுங்கள். குறிப்பாக, உங்களுடைய வங்கித் தகவல்களை இவர்கள் கேட்பார்கள் (புத்தக விற்பனைத் தொகையை அனுப்புவதற்கு). இவை அனைத்தும் கைவசம் இருக்கும்படி பார்த்துக்கொள்ளுங்கள்.

இந்தப் படிநிலைக்குச் சுமார் 1 மணி நேரம் தேவைப்படலாம். ஆனால் மகிழ்ச்சியான செய்தி, இதை நீங்கள் ஒருமுறை (அதாவது, முதல் மின்னூலுக்குமட்டும்) செய்தால் போதும், இரண்டாவது மின்னூலில் தொடங்கி இந்தப் பதிவு தேவைப்படாது.

9

பதிவு செய்த உங்கள் கணக்கில் நுழையுங்கள். புதிய மின்னூல் ஒன்றை உருவாக்குங்கள். மக்கள் விரும்பக்கூடிய, அவர்கள் தேடிக் கண்டறியக்கூடிய தலைப்பைக் கொடுங்கள். துணைத் தலைப்பு இன்னும் சற்று நீளமாக இருக்கலாம்.

10

உங்கள் புத்தகத்தை மக்கள் எப்படியெல்லாம் தேடக்கூடும் என்று சிந்தித்து, ஆராய்ச்சி செய்து Keywords எனப்படும் சொற்களைத் தேர்ந்தெடுங்கள். அவற்றை இங்கு பதிவு செய்யுங்கள்.

எடுத்துக்காட்டாக, எடைக் குறைப்பு பற்றிய ஒரு புத்தகத்தைத் தேடுவோர் Diet, Exercise, BMI போன்ற சொற்களைப் பயன்படுத்தக்கூடும்.

11

உங்கள் புத்தகத்தை வாசகர்களுக்கு நன்கு அறிமுகப்படுத்துகிற Blurb எனப்படும் குறிப்பை எழுதுங்கள். இது இரண்டு, மூன்று பத்தி அளவில் இருக்கலாம், அதைவிட நீளமாகவும் செல்லலாம். Bullet Points எனப்படும் பட்டியல் வடிவத்தைப் பயன்படுத்தினால் இன்னும் சுவையாக இருக்கும்.

12

உங்கள் நூலை எந்த வகைகளில் (Categories) வெளியிடுவது என்று தீர்மானியுங்கள். சரியான வகையில் அமைந்த நூல் இன்னும் பலரை இயல்பாகச் சென்று சேரும். ஆகவே, இந்த விஷயத்தில் அவசரப்படாமல் பலவிதமாகச் சிந்தித்து, ஏற்கெனவே இதேபோன்ற தலைப்பில் கிடைக்கும் நூல்களை ஆராய்ந்து ஒரு தீர்மானத்துக்கு வாருங்கள்.

9, 10, 11, 12வது படிநிலையில் சொல்லப்பட்டிருக்கும் விஷயங்களை நீங்கள் முன்கூட்டியே சிந்தித்து ஓர் ஆவணத்தில் எழுதி வைத்துக்கொண்டாலும் நல்லது, அப்படியே காபி, பேஸ்ட் செய்துவிடலாம்.

13

உங்கள் நூலைப் பதிவேற்றுங்கள் (Upload செய்யுங்கள்). அது மின்னூல் கருவிகளில் எப்படித் தோன்றுகிறது (Preview) என்று கவனித்து உறுதிப்படுத்துங்கள்.

14

நூலை எந்தெந்த நாடுகளில் வெளியிடுவது என்று தீர்மானியுங்கள். மின்னூல்களில் அஞ்சல் செலவு இல்லை என்பதால் இயன்றவரை கூடுதல் நாடுகளில் வெளியிடலாம், தமிழர்கள் எல்லா நாடுகளிலும் இருக்கிறார்கள்.

15

நூலுக்கு என்ன விலை வைக்கலாம் என்று தீர்மானியுங்கள். உங்கள் நூலின் பக்க அளவு, அதன் தனித்தன்மை, ஏற்கெனவே இதேபோன்ற தலைப்பில் சந்தையில் உள்ள நூல்களின் விலை போன்றவற்றைச் சிந்தித்து இந்த விலையைக் கணக்கிடலாம். (ஆனால், இதைப்பற்றி மிகவும் அலட்டிக்கொள்ளவேண்டாம். பின்னாட்களில் எப்போது வேண்டுமானாலும் இதை மாற்றலாம்.)

16

நூலுக்கு அட்டை வடிவமையுங்கள். அதைத் தரவேற்றுங்கள் (Upload செய்யுங்கள்).

பெரும்பாலான மின்னூல் தளங்களில் அட்டைப்படி வட்வமைப்புக்கென்று எளிமையான தனிக் கருவிகளை அளித்திருக்கிறார்கள். இவற்றைப் பயன்படுத்தி யார் வேண்டுமானாலும் சில நிமிடங்களில் அட்டை ஒன்றை வடிவமைத்துவிடலாம்.

அல்லது, நீங்கள் ஒரு தொழில்முறை வல்லுனரிடம் சென்று அட்டைப்படத்தை வடிவமைக்கச் சொல்லலாம். அப்படிச் செய்யும்போது, எந்தத் தளத்தில் நூல் வெளியிடுகிறீர்கள் என்று சொல்லிவிட்டால் அவரே அழகாக அந்த வடிவமைப்பில் அட்டைப்படத்தை வழங்கிவிடுவார். (அவரிடம் HQ Version எனப்படும் உயர் தர, மாற்றக்கூடிய அட்டைப்பட வடிவத்தையும் பெற்றுக்கொள்ளுங்கள். வருங்காலத்தில் தேவைப்படும் மாற்றங்களைச் செய்ய வசதியாக இருக்கும்.)

17

நூலைப் பதிப்பியுங்கள். அது அங்கீகரிக்கப்படும்வரை காத்திருங்கள்.

வாழ்த்துகள், உங்கள் நூல் வெளியாகிவிட்டது. இனி, நீங்கள் அதைச் சந்தைப்படுத்தவேண்டும். (Marketing)

18

உங்களுடைய நண்பர் வட்டம், அவர்களுடைய நண்பர் வட்டத்தில் நூலைப்பற்றிச் சொல்லுங்கள். நூலின் இணைப்பை (URL) வழங்குங்கள். குறிப்பாக, நூலை அவர்கள் ஏன் வாங்கவேண்டும் என்பதைக் கவனமாக விளக்குங்கள்.

19

உங்கள் வாசகர் வட்டத்தை எப்படி விரிவுபடுத்துவது என்று சிந்தியுங்கள். எடுத்துக்காட்டாக, ஆங்கிலம் பேசக் கற்பதுபற்றிய ஒரு நூலை மாணவர்களுக்கான Facebook குழுக்களில் மார்க்கெட்டிங் செய்யலாம். இதுபோல் ஏராளமான வழிகள் உள்ளன. இதற்கென்று நீங்கள் சிந்திக்கவேண்டும், உங்கள் நேரத்தைப் பொறுத்து அவற்றைச் செயல்படுத்தவேண்டும்.

20

நூலின் விற்பனையைக் கூர்ந்து கவனியுங்கள். எந்தெந்த மாற்றங்கள்/மார்க்கெட்டிங் நுட்பங்களுக்கு என்ன பலன் இருக்கிறது என்று ஒப்பிடுங்கள். நல்ல மாற்றங்களைத் தொடர்ந்து செய்யுங்கள், பயன்படாத மாற்றங்களை விட்டுவிடுங்கள்.

அதே நேரம், முழு நேர மார்க்கெட்டர் ஆகிவிடாதீர்கள், உங்கள் அடுத்த நூலைத் திட்டமிடுங்கள், வாழ்த்துகள்!

பின்குறிப்பு: இங்கு சுருக்கமாக விவரிக்கப்பட்டுள்ள 20 படிநிலைகள் ஒவ்வொன்றிலும் பல மணி நேரங்களுக்கு விளக்கும் அளவு விஷயங்கள் இருக்கின்றன. அவற்றை நம் “எழுதுவோம்” தளத்தில் அவ்வப்போது விரிவாகப் பேசுவோம். அத்துடன், கிண்டில் நூல்களைப் பதிப்பிப்பதுபற்றி வெளியாகியுள்ள இந்த நூல்களையும் நீங்கள் படிக்கலாம்:

***

Keywords: Kindle, Google Books, EBooks, Ebook, Book, Book Publishing, Ebook Publishing, Kindle Book Publishing, Kindle Ebook Publishing, Google Book Publishing, Step by step instructions, How To Guide, How to publish your ebook, How to publish your first ebook, Tutorial, Book Research, Book Marketing

QR கோட் : எழுத்தாளர்களுக்கு எதற்கு?

QR Code எனப்படும் சதுர வடிவக் குறியீட்டைப் பல இடங்களில் பார்த்திருப்பீர்கள். அவற்றை செல்ஃபோன் கொண்டு ஸ்கேன் செய்தால் ஓர் இணையத் தளத்துக்குச் செல்லலாம், அல்லது, வேறு பல விஷயங்களைச் செய்யலாம். பயன்படுத்துவோருக்கும் எளிது, பதிப்பிப்போருக்கும் எளிது என்பதால் இவை மிக நல்ல வரவேற்பைப் பெற்றுவருகின்றன.

பல துறையினரும் சிறப்பாகப் பயன்படுத்திக்கொண்டிருக்கிற இந்தக் க்யூஆர் கோட் தொழில்நுட்பத்தை எழுத்தாளர்களும் பயன்படுத்திக்கொள்ளலாம். அதற்கான சில வழிகள், எடுத்துக்காட்டுகள், இதோ:

  • உங்கள் புத்தகங்களில் உள்ள இணையத் தள முகவரிகள் அனைத்துக்கும் QR Code வழங்கலாம். வாசகர்கள் அந்த இணையத் தளத்தின் முகவரியைத் தட்டச்சு செய்வதைவிட, ஒரே ஸ்கேனில் அங்கு சென்று கூடுதல் தகவல்களைப் பெறலாம். தட்டச்சு செய்வதில் வரக்கூடிய பிழைகளும் இதில் இருக்காது என்பது கூடுதல் போனஸ்.
  • உங்களுடைய மற்ற புத்தகங்களுக்கான இணைப்புகளை QR Codeமூலம் வழங்கலாம். உங்களுடைய ஒரு புத்தகத்தை வாங்கியவர் மற்றவற்றை வாங்கிப் படிக்க இது உதவும்.
  • புத்தகம் தொடர்பான கணக்கெடுப்புகள் (Surveys) போன்றவற்றை QR Codeமூலம் வழங்கலாம். வாசகர் கருத்துகளைப் பெறுவதற்கு இது மிகவும் உதவும், வாசகர் நாடித்துடிப்பைப் புரியவைக்கும்.
  • புத்தகத்தில் உள்ள கருப்பு வெள்ளைப் படங்களை வண்ணத்தில் முழுத் தரத்தில் (HD) பார்ப்பதற்கான இணைப்புகளை QR Codeல் அளிக்கலாம்.
  • புத்தகத்தில் பேசப்படும் விஷயங்களுடன் தொடர்புடைய வீடியோக்களை QR Codeமூலம் இணைக்கலாம். எடுத்துக்காட்டாக, ஒரு பேட்டி அல்லது ஓர் ஆவணப்படத்தை இந்த முறையில் வாசகர் பார்த்து மகிழலாம்.
  • ஆசிரியருடைய ஃபேஸ்புக், ட்விட்டர் பக்கங்களுக்கு QR Codeமூலம் இணைப்பு வழங்கலாம்.
  • உங்கள் புத்தகத்தை வாங்குவோருக்குக் கூடுதல் சிறப்புப் பரிசு வழங்க விரும்பினால், அதையும் QR Codeமூலம் வழங்கலாம். எடுத்துக்காட்டாக, நாவல் வாங்குவோருக்கு அந்த நாவலின் பின்னணியை விளக்கும் ஒரு சிறுகதையையோ, அந்த நாவலின் களத்துக்கான வரைபடத்தையோ QR Codeமூலம் இணைக்கலாம். ஆங்கிலம் கற்றுக்கொள்வது எப்படி என்னும் புத்தகத்துக்கான பரிசு, அதில் வரும் வாக்கியங்களை ஒலி வடிவில் கேட்பதற்கான QR Code இணைப்பாக இருக்கலாம்.
  • சிறுவர் நூல் எழுதுவோர் அதனுடன் அனிமேஷன், பாடல்கள் போன்றவற்றை QR Codeமூலம் சேர்க்கலாம். குழந்தைகள் இதை மிகவும் விரும்புவார்கள்.
  • வாசகர்கள் தங்கள் கருத்துகளை எழுத்தாளருடன் நேரடியாகப் பகிர்ந்துகொள்வதற்கான மின்னஞ்சல் QR Codeஐப் புத்தகத்துக்குள் தொடக்கத்தில் அல்லது பின்பகுதியில் அல்லது இரண்டு இடங்களிலும் வழங்கலாம்.
  • அச்சுப் புத்தகத்தில் மின் புத்தகத்தின் QR Code, மின் புத்தகத்தில் அச்சுப் புத்தகத்தின் QR Code என்று Cross-promotion செய்யலாம்.
  • நூல் தொடர்பான Facebook, Instagram, Twitter, Pinterest விளம்பரப் படங்கள், YouTube வீடியோக்கள், பிற மார்க்கெட்டிங் விஷயங்களில் நூலுக்கான இணைப்பை QR Codeமூலம் வழங்கலாம்.

இவையெல்லாம் சிறு எடுத்துக்காட்டுகள்தான். உண்மையில் QR Code மூலம் நீங்கள் இன்னும் பல சிறப்பான விஷயங்களைச் செய்யலாம், அச்சுப் புத்தகம், மின்புத்தகம் என இரண்டிலும் இது பயன்படும். உங்கள் சிந்தனை, படைப்பாற்றலுக்குத் தீனி போடும் தொழில்நுட்பம் இது.

ஆனால், QR Codeஐ உருவாக்குவது எப்படி?

அதற்குப் பல எளிமையான இணையத் தளங்கள் இருக்கின்றன, இவற்றில் பெரும்பாலானவை இலவசம்தான். எடுத்துக்காட்டாக, உங்களுடைய புத்தகத்துக்குத் தேவையான QR Codeகளைச் சில நொடிகளில் உருவாக்குவதற்கு இங்கு க்ளிக் செய்யுங்கள்.

Keywords: QR Code, QR Codes, QRCode, QRCodes, Scan, Marketing, Books, Book, Authors, Writers, Author Brand, Writer Brand

ASIN என்றால் என்ன?

அசின் என்ற நடிகையை நமக்குத் தெரியும். ஆனால், இங்கு நாம் பார்க்கப்போகும் ASIN வேறு. நம்முடைய நூல்களை அமேசானில் பதிப்பிக்கும்போது நாம் கண்டிப்பாகத் தெரிந்துகொள்ளவேண்டிய ஒரு சொல் இது.

உண்மையில், ASIN என்பது சொல் இல்லை. Amazon Standard Identification Number (அமேசான் தரநிலைப்படுத்தப்பட்ட அடையாள எண்) என்பதன் சுருக்கம்தான் இது. அதாவது, அமேசான் இணையத் தளத்தில் பொருட்களை எளிதில் கண்டறிவதற்கான ஓர் அடையாள எண்.

பெயரில் ‘எண்’ என்று இருந்தாலும், இதில் எழுத்துகளும் கலந்து இருக்கும். எடுத்துக்காட்டாக, ‘The Seven Habits of Highly Effective People‘ என்ற புகழ் பெற்ற நூலின் கிண்டில் பதிப்பு ASIN இதுதான்: B08KH29CJC. அமேசான் தேடல் பெட்டியில் சென்று இதைப் போட்டுத் தேடினால் சட்டென்று இந்தப் புத்தகத்தைப் பெறலாம்.

இது எதற்கு? நேரடியாக ‘The Seven Habits of Highly Effective People‘ என்று தேடினால் அந்தப் புத்தகம் வராதா?

வரும். ஆனால், அத்துடன் கிட்டத்தட்ட அதே பெயரில் அமைந்த வேறு புத்தகங்களும் சேர்ந்து வரலாம். அந்தக் குழப்பத்தைத் தவிர்க்கதான் இந்த அடையாளம். B08KH29CJC என்பது ஒரு புத்தகத்தைத்தான் குறிக்கும், குழப்பம் குறையும்.

நீங்கள் கிண்டிலில் சொந்தமாக நூல்கள் பதிப்பிக்கும்போது, ஒவ்வொரு நூலுக்கும் ஒரு புதிய ASIN வழங்கப்படும். அதை அந்த நூலின் பெயருக்குப் பக்கத்தில் காணலாம். அல்லது, அந்த நூலின் அமேசான் பக்கத்தில் “ASIN” என்று தேடினால் கிடைக்கும்.

எழுத்தாளர், பதிப்பாளர் என்றமுறையில் ASINஐப் பயன்படுத்தி நீங்கள் இன்னும் பல விஷயங்களைச் செய்யலாம். எடுத்துக்காட்டாக, உங்கள் புத்தகத்துக்கு ஒரு விரைவான இணைப்பை உருவாக்கலாம். http://www.amazon.in/dp/ என்று தட்டச்சு செய்து அதற்குப் பின்னால் உங்கள் ASINஐச் சேர்த்தால் இணைப்பு தயார்.

இப்படி ASINக்கு இன்னும் பல பயன்கள் உண்டு. அதனால், உங்கள் புத்தகங்கள் ஒவ்வொன்றின் ASINஐயும் அறிந்துவைத்திருங்கள்.

Keywords: ASIN, Amazon, Kindle, Books, Book, eBooks, eBook, Amazon Standard Identification Number, Publishing, KDP, Kindle Publishing, Searching, Linking, Links, Link, Search, Search Terms